Waqt ne ek din aa kar mujhse mera sab kuch maang liya

Mana kaise karti, tha saara usika toh diya

Par kabhi kabhi koi cheez zindagi ban jaati hai

Zarurat se bhi zyaada koi shabd ban jaati hai

Tera aana bhi ek ittefaq

Tera jaana shayad tera ittefaq ho

Jo hua mere saath kuch der pehle

Woh shayad tere saath kahin aur ho

Waqt ko nazar andaz kar ke hi chalo

Nahi toh waqt se aage kaise dekh paaoge

Ek din meri bahon mein

Duje din sirf meri nigaahon mein

Kaise reh paaoge

Pyaar ke har haseen pal ki shuruvat tere naam se hoti hai

Ant kisi aur ke hawale kaise kar dun, keh de...

Kahani teri meri yahin toh khatam ho nahi sakti...

Rakhungi yeh moti sambhale

Shayad kisi din milkar piro dein hum inhe...